好孩子盈喜，想不到筆者今年中第二槍，業績差於預期的4億或以上，公司解釋由於下半年海運費用及匯率波動影響。雖則公司今年業績己是歷年最好的，但市場預期亦好大。其實筆者於公司公告2024年Q3營運數據時都留意到公司有提海運費用的問題，可惜視而不見，不過仍看到管理層的誠信。
係公司層面上，高檔Cybex的增長依然是公司的最大催化劑，同時管理層能否搞好營運費用是一個挑戰。過往管理層於營運費用控制方面做得相對較差。下半年業績，雖則不太好，但並未好似過往大走樣，現在亦處於食之無味，棄之可惜，唔通要靜待公司派息去沖喜?!
筆者重倉IGG及好孩子，現處於尷尬處境!
IGG 公佈盈喜，對我來說是盈警，今日曾上升少少後就掉頭，可惜未能決心賣。現股價是有點食之無味，棄之可惜的感覺。
講下業績，下半年增收但不增利，不包括投資虧損後，下半年盈利環比下跌20%左右 (2H約2.9億，1H約3.7億)。Apps下半年7億, 好於上半年4億, 但此Apps 8月己說去到12M, 即係Q4無增長。遊戲整體下跌: 王國紀元開始下滑，Doomsday無增長, VR增長不明顯，其它遊戲更不值一提。
原對這股好大期待，但今日開始明白遊戲股始終難有好估值，一來競爭激烈，二來遊戲難有持續好的業績。雖然IGG有新聞Apps, 但新聞Apps難有大作為，天生客戶黏性不強，至今仍未見有高估值的新聞Apps股，有不少人將此股的Apps與心動比較，其實係兩種不同的平台，難予比較。
明日走勢如何? 若果港股回吐，相信此股會大幅下滑。投資真係要理性分析，更要理性執行，今年第一隻股中槍!
