沽升淚-續集，繼續買入莎莎

 當你唸著早啲沽，因為覺得它來緊會跌，結果無沽而下跌，你的心會覺得好難受。但依家是你提早沽咗後，它繼續升，個心一樣難受。小弟前者彼彼皆是，但依家承受緊後者，少賺的金額係咁上升，幾時可以昇華到無憂無慮?! 

今日再買入莎莎，共持有5百萬股，1.6百萬股@0.65買入，即時見到跌返落0.64。買入均位當約0.645，假設公司盈利去到1.6億預測:
1) 價位到1.50-20，即預期市盈率28至38，應該係無可能的任務，以1.5計，賬面可賺4.3百萬；

2) 去到1.30，即預期市盈率25倍，都比較樂觀，賬面可賺3.2百萬；

3) 去到1.00。即預期市盈率到20倍，相對合理，賬面可賺1.75百萬；

4) 萬一跌到今年低位0.5, 即預期市盈率到10倍，賬面可虧70萬。

買入覺得0.5是底部, 0.64左右都算接近底部，向下再探底機率只有20%，同上相對80%，股票真係估估下，不過若不是Q1成績開始好轉，同時國內股市向好, 人民幣匯率向上，國民財富效應加上買香港嘢相對平咗，應該算係利好公司，公司亦關閉所有內地實體店，減少損失。希望自己判斷正確。

過去公司約10月12日至18日公佈Q2(即1H)銷售數字及1H盈喜，即仍有兩至三星期時間磨。自己判斷

1)  若10月頭或9月尾開始炒上，炒家應該希望能係1.5-2開始派貨，自己可以賺返倍；

2) 係公佈炒兩日起後開始派貨，那最多去到0.9至1.0是高位。

不過這都係靠估，不是自己的style。 買入的邏輯是底部及公司業績開始回穩，長遠1年內估計可以去到2.0。

現時最大挑戰係10月15日美國公佈最新通賬數字，一上3%以上就麻煩，但小弟9月估錯市場反應想趁低買入，結果沽升淚，所以...否極是否泰來!

買入莎莎

 大手買入3百萬股@0.64莎莎，想再加倉2百萬股，小弟估它今年上半年有盈喜，約6千萬盈利，即升一倍，加上黃金週。公司通常於10月中左右公佈盈喜及黃金週銷售數字，希望可以上到1.5-2之間，不過好多散戶都同樣等黃金週爆升，估計到1.0左左應該多人出貨! 若用80/20方法，20%向下及其底部約0.5, 相對風險比較低。

同時小弟加倉少少教育股，令整體約持有1.2M貨。

聯易融+教育股+高偉-只係10-11號沽貨，至今少賺約1百萬，真令小弟想喊，因為牛市仍難得的機會，小弟竟未能把握。其實投資必是這樣，放得低才能望得遠，望得遠才能向前再踏進一大步!

沽升淚

 9月10日及11日連續兩日沽貨令自己今日少賺50多萬，牛市真係唔好沽貨。昨晚7 點多內地財經新聞<財新>原來報告國企、央企、互聯網平台等不可申請香港穩定幣執照，可是到11點多己删除該新聞。唸著可以撈返聯易融，可惜無機會同埋今日升高0.1，教育股原本唸著今日市況會差而跌時可撈貨，可惜又升，今次又係另外一個教訓。小弟的能力真有限，食市食到咁差!

911 如期沽出大量倉位

 今日如期沽出大量倉位，現金約83%。變現的盈利來自聯易融3百萬，其它1百萬，可見小弟選股好差。聯易融是好彩突殺出穩定幣，否則麽都唔係。今晚公佈CPI是如何，假如是2.9%或，對我來講表示通脹開始惡化。假如是2.8%，表現温和；假如是2.7%，對減息0.5%是非常有利。劇本是如何，真不知道；如果估錯，無得怨。

回想解放日若小弟及時建倉，或者能提早賺夠一倍買層樓，可惜無如果，及時行動真係好重要。明年2月租約滿，若以現時市值租金，要加租成15%。唉，現時未有足夠錢買層樓又能保持同樣彈藥，睇下剩餘的時間仲有無機會!

911-美國CPI

 9月11日晩會公佈CPI，筆者有點擔心，以下的可能性:
1) 上升，但幅度不大，那9月減息0.25%，股市温和表現

2) 意外減少，那9月減息為0.5%，股市大升

3) 大升至3%或之上，滯漲出現，股市會大大跌

1)機率為30%，2)機率為10%，3)機率為60%，我應該於11日或之前沽清主要股票還是怎樣辦? 傾向沽大部分股價，假若真係睇錯市，於第二日補回，再待10月15日CPI公布前步署，因為關稅始終會於CPI表現出來，這是想補捉市場下跌後再入市，希望令自己回報增大。筆者於大解放日前放咗主要股票，雖不是最好時機沽出，但仍避大解放日大跌，最可惜是大跌後一兩日內無及時入市, 錯失賺成倍的機會，今次又如何，天曉得， 不過凡事安全過渡先。只有老特一天在，市場必定大波動。

小弟今年己經錯過好多隻跟蹤的股票，多以倍數計，但股票市場不是給勤力的人，而是給勤力及及時行動的人。所以希望一些落後股票及呢幾日去到價位或不至於蝕，若果不是， 我亦會唸著沽一大半股，而部分可能清倉，安全為先，股市總有機會，只要不像以往幾年死氣沉沉就得。

盈喜或業績公佈後追入的表現

盈喜及業績公佈後追入的表現:
1) 百融雲

11.90 追入7萬股中伏，由於業績好於自己預期，但由於這隻股有個人持股超過5%，炒家未必想炒起，現價11左右，13-14必沽。

2) 創夢天地

0.95追入30萬股，主要轉盈及這隻股炒風劇烈, 現價1.1左右，未知能否大上去到2左右。

3) 栢能

8.3追入4萬股，再於7.5追入3萬股，全中伏，無留意公司唸著香港退市，轉去星，星流動性及市場遠不及香港，所以不斷受壓，現價6.4左右，希望平手離開。

4) 天虹

4.6追入7萬股，可惜中期無派息，及股價打回去4.8徘徊。現排緊沽清。

5) 綠荼

7.6追入4萬股，現7.4徘徊，業績增長來自店數增長及外賣增長，可惜每店銷售倒退，其實睇到無即時沽出。侍機這幾日沽清。

6) 第四範式

於54.7追入6千股， 雖銷售大增長，可惜升唔起，或者AI Agent之前炒到尾聲，現於55.5徘徊。

7) 連連數字

於11.4追入3萬股，首盈利，可時海外增長是引擎，這隻股每日交投量都大及波幅大，可惜炒唔起，現價10.2左右。

8)電視廣播

於4.05左右入博扭盈，點知食炸煳。

業績後買入策略今次幾乎全軍覆没，買入共2.7百萬港元, 蝕約18萬港元或6.7%。