繼之前分享IGG盈喜變盈警，可惜筆者對這隻食之無味，棄之可惜的股由盈警(喜)之日後，並無什麽行動，同市場(倒不如說同散戶一樣)期待業績公佈時可以大派息(由於市場一直覺得公司擁有成19億現金，加上之前2年無派息)，令股價可回死回生，可惜最終只派未期息港元0.06，市場大感錯愕，同時公司再無如之前業績公布第一季戰果，連續兩日大跌成16%。筆者於盈警後及業績公布後次日無即時沽貨，令由賬面由盈利變成虧損!
同這件事中得到的教訓是，當一隻無麽可預見性增長的公司，應及早沽貨，找另一隻潛力股，因為時間值好重要，現時更身陷困境，特別4月2日美國關稅對等日就出現，市場更加動盪。筆者原先計劃於3月26日業績公佈後於3月28日或之前清倉IGG及好孩子，可惜只清倉其它，這兩股並無清一股，現主要持有好孩子國際、IGG、原生牧及信義儲電倉位比較少，其它清倉。
現時想起，都是人的貪念。其實於3月26日或之前開始清倉，時間會掌握更好，一心唸著業績有好消息後用兩日清此兩股。現時盈利水平下跌一半，股市便是這樣，一日可以改變好多!
現時只剩3月31日、4月1日及4月2日，因為4月3日香港時間便會知道美國的關稅多少，昨日美股己經大跌，可以點做是考起筆者!
第一季只剩一日，相信筆者的回報一定輸俾大市，唸起做咗咁多嘢，好似得個桔，否極真能泰來?!
No comments:
Post a Comment